Nova xuntanza dos Megalectores

Os Megalectores reunímonos de novo, para comentar o libro "Mil cousas poden pasar" de Jacobo Fernández Serrano.
Despois de ler os primeiros capítulos, que nos pareceron un pouco raros e sen aparente relación entre eles,mergullámonos nunha emocionante e disparatada historia na que todo é posible, desde un porco que estuda primaria ata un xoieiro que se fai can pastor, ou un neno que transforma un tétrico cemiterio nun precioso xardín e desenterra e prepara os mortos para que gocen do seu novo fogar,...E, de fondo, unha preciosa historia de amor entre unha "muller-xirafa" e un  músico submarino que aprende a falar a través da súa tuba.
Encantounos a historia (tanto, que estamos desexando ler a segunda parte)... e encantáronnos as ilustracións.Nótase que Jacobo Fernández Serrano, ademais de bo escritor, é un dos ilustradores e comiqueiros máis importantes que temos actualmente en Galicia .

                                         Saúdos lectores!
                                 ...E ata a próxima xuntanza!, na que falaremos do libro de Jackeline Kelly,"La evolución de Kalpurnia Tate".